Med god bagasje til Kos

Fire elevar og to lærarar frå Os vgs reiste i dag til Kos, i utgangspunktet for å læra om trygg bruk av internett, men med ekstra god bagasje med på turen.

Les òg: Gjev flyktningehjelp på skuletur

– Allereie på planleggingsmøtet i Polen i juni var det oppe til diskusjon om det var noko vi kunne gjera for å hjelpa, sa Mona Stigen Heggeland, som saman med Tone Hadler-Olsen er dei to lærarane frå Os vgs som er med i SIFA-prosjektet, til Midtsiden tidlegare i veka.

Fleire privatpersonar har gjeve soveposar, tepper, bagar, ryggsekkar og sko. Desse skal delast ut til flyktingemottak på Kos, der fleire frå Syria har kome med båt frå Tyrkia.

– Sponsorane har vore veldig viktig, vi har fått mykje frå Europris, T Moberg Sko og MX Sport, fortel Mona, som i dag sette seg på flyet med bagasje i overvekt, ei overvekt som Star Tour spanderte.

Elevane som er med på turen er Henrik Vågen, Leon Lorentzen, Maren Heimro Berg og Stine Engelsen Tveit.