Meir i frie inntekter

Allereie i går kveld blei det kjent at Os kommune vil få 12 millionar i vekstkommunetilskot, ei auke på 7,5 millionar får i fjor. Når statsbudsjettet no er lagt fram syner det seg at kommunal- og moderniseringsminister Jan Tore Sanner (H) hadde meir i potten til kommunane.

- Vi styrkar kommunane så dei mellomanna kan sørgje for meir kunnskap i skulen, betre kvalitet i helse- og omsorgstenester, seier kommunal- og moderniseringsministeren.

Vekst på 72 millioner

Regjeringen forslår ein vekst til kommunesektoren på totalt 6,2 milliarder kroner, av desse kjem 4,4 milliarder som frie inntekter. For Os kommune sin del vil dei frie inntektene i 2015 utgjera 922 182 000, ei vekst på 72 844 000 kroner frå 2014, noko som tilsvarar 8,5%. Med den veksten er Os, den kommunen i Hordaland som får den høgste veksten framfor Meland (8,2%) og Øygarden (7,1%).

Veksten inkluderar vekstkommunetilskotet.

Med veksten vil truleg dei svikande skatteinntektene til kommunen, som rådmannen fryktar kan bli opp mot 8 millionar kroner i 2014, bli dekka opp.

Legg føringar

Samstundes som kommunal- og moderniseringsministeren vil gje kommunane meir midlar, så legg han føringar på bruken.

- Kommunane har både ansvar for betre velferdstenester til oss alle og viktige tenester for dei mest sårbare innbyggjarane. Forslaget vårt til kommuneramme gjer det mogleg for kommunane å gje innbyggerane betre tenester, og dekke kostnader knytt til befolkningsutvikling og pensjon, seier Sanner.

Innan den totale rammen av dei frie inntektene til kommunane, er 200 millioner satt av til styrking av helsestasjonene og skulehelsetenesten. 200 millioner av veksten i dei frie inntekene skal bidra til å stryka den psykiske helsetenesten og oppfølging av rusavhengige i kommunane. Veksten skal òg legga til rette for eit meir fleksibelt barnehageopptak. Totalt er det satt av 100 millioner til dette.

Kor mykje det utgjer for Os kommune er førebels ikke klart.

Os, ein vinnar

Ordførar Terje Søviknes (Frp) er godt nøgd med profilen i budsjettet frå partifellene i regjeringa.

– Eg er generelt godt nøgd med profilen på budsjettet kor satsing på infrastruktur, forskning og skatte- og avgiftsletter står sentralt.

– Når det gjeld kommuneøkonomien så er det vel første gongen eg opplever at vi er ein klar vinnar som i år.

– Eg måtte raskt sjå gjennom oversikta, og berre Skaun kommune har ein høgare prosentvis vekst.

Tek ikkje av

Sjølv om Os kommune er ein vinnar i årets framlegg til statsbudsjett finn ordføraren det rett å helda litt kaldt vatn i blodet.

– Vi veit at omlegginga av selskapsskatten kjem i 2016. Der kjem nok vi til å bli ein tapar.

– Difor er det nok fornuftig å tenke seg om både ein og to ganger før vi gjer endringar som får varige konsekvensar.

– Då må vi fort trekka dei ned att til neste år, men at statsbudsjettet er eit godt utgangspunkt for rådmannen sitt budsjett som han skal legga fram er det ikkje tvil om, avsluttar Søviknes.