Melder kuling og regn

Etter over ei veke med kaldt og klart vintervêr er vêret i ferd med å snu.

Vinden skal opp i 9-10 m/s i kveld, og kjem truleg opp i liten kuling (10,8-13,8 m/s) rundt midnatt, med retning frå søraust.

Det betyr at det kan skvulpa godt i Os hamn dei neste dagane. Det er flo klokka 02.57 og 15.17 torsdag.

Lettare vêr søndag

Vinden skal halda seg kraftig, frå 6 til over 11 m/s fram til nedtrapping til 7 m/s laurdag og 2-5 m/s søndag.

Det er meldt regn morgon og kveld torsdag og fredag, og samanhengande gjennom laurdagen, men søndag kan det letta.

Snø i fjellet - og kanskje i Os

Storm melder sol og -1 til 2 pluss i neste veke, Yr melder 2-4 plussgradar og nedbør.

Det betyr at det er fare for frost og snø i Os, og auka sjanse for etterlengta snø i alpinanlegga på Vestlandet.

• Sjå detaljert vêrvarsel for Osøyro på Pent.no