Ulvensletta søndag morgon. Det var på ein parkeringsplass med postadresse Hagavik at to som sladda blei observert og meldt. (Foto: KVB)
Ulvensletta søndag morgon. Det var på ein parkeringsplass med postadresse Hagavik at to som sladda blei observert og meldt. (Foto: KVB)

To meldt for sladding - ein annan kolliderte i konteinar

Eitt uhell og to menn meldt etter ulike episodar på glatten.

Kjetil Vasby Bruarøy
10. januar 2021 - 10:04

Søndag morgon fortalte Vest politidistrikt om åtte uhell på glatten etter at snøen kom laurdag ettermiddag, men ingen personskade.

I Os var det eitt uhell.

– Klokka 22.34 fekk vi melding om ei utforkøyring nær Os sentrum, fortel vakthavande ved Bjørnafjorden lensmannskontor.

Bilen glei rett fram i ein sving, og stoppa i ein konteinar. Det var ingen skade på førar, mindre skade på bil og uvisst om det var skade på konteinar.

– Vi prøvde, utan hell, å varsla eigar av konteinar, opplyser politiet.

To meldt for sladding

Rundt midnatt blei to bilar observert mens dei leika seg i snøen på ein privat parkeringsplass i Hagavik.

– Bilførarane, som begge er i 20-åra, er meldt for brot på vegtrafikkloven paragraf 3.

I 01.30-tid i nat blei ein bil kontrollert i Os sentrum. Bilen hadde for store felgar. Førar fekk pålegg om anten å skifta felg eller å få dimensjonen godkjent av Statens vegvesen.

 

Les meir om

Lokal Politi