Mest lest i 2012

I løpet av året har vi publisert litt over 4.000 artiklar på Midtsiden.no. Her er topp 10 i 2012.

Intervju om statusoppdateringane Øystein "Bygdetulling" Tholo skriv på facebook blei populær lesing på Midtsiden. (Privat foto)
Kjetil Vasby Bruarøy
Kjetil Vasby Bruarøymandag 31. des. 2012 10:10

Midtsiden.no held fram med å veksa både i tal på lesarar og i trafikk, altså leste sider.

I 2012 hadde vi rett over 407.000 unike lesarar, noko som er 13,6 prosent opp frå 2011.

Kvar dag har Midtsiden.no 8.000 til 10.000 ulike lesarar, per veke ligg vi på rundt 20.000 unike lesarar.

87 prosent av besøka er frå lesarar som har vore på Midtsiden.no før.

1/3 av BA - 1/6 av BT

Til saman blei artiklane på Midtsiden.no lest over 6,5 millionar gongar, som gjev eit snitt på 125.000 sidevisingar per veke.

Til samanlikning ligg BA.no ofte på 400.000 - 500.000 per veke, BT.no på 600.000 - 800.000 per veke (ifølgje TNS Gallup).

Flest frå Noreg, England og USA

Av 2,9 millionar besøk i 2012 var 2,8 frå Noreg, 2,2 av desse frå Hordaland.

Men mange les lokala nyhende frå Os andre stadar i Noreg - og i utlandet.

Frå desse landa utanfor Noreg hadde vi flest besøk i år:
1. Storbritannia 22.800
2. USA 14.400
3. Danmark 14.400
4. Sverige 10.400
5. Spania 9.500
6. Tyskland 3.900
7. Frankrike 3.400
8. Thailand 3.100
9. Polen 3.000
10. Tyrkia 2.300

Apple desidert størst

Fleire les internett frå lesebrett og mobil.

Av rett over 700.000 besøk på Midtsiden.no frå lesebrett/mobil i 2012 var 279.000 frå iPad og 238.000 frå iPhone.

På dei neste plassane kjem Samsung GT-I9100 Galaxy S II med 46.000 besøk og SonyEricsson LT15i Xperia Arc med 14.000 besøk.

På dei neste fire plassane kjem ulike HTC-modellar.

Fusing mest lest i Os i 2012

Kvar månad i år har vore meir trafikkert enn i 2011, med unntak av september. Valet i 2011 gav september ekstra stor trafikk.

Av drygt 4.000 artiklar i 2012 er nesten 1.100 lest meir enn 1000 gongar.

Starten på 2012 blei trist og dramatisk i Os, med drapet i Oshaugen 1. januar. Dette førte naturlegvis til auka trafikk i januar og då guten som no er dømt blei pågripen i februar.

Saker relatert til drapssaka, og til saka om blotting i Os, som gjekk parallelt, er blant dei mest leste.

Men ei meir munter sak, om ein fusing, er den som blei mest lest i 2012.

Her er topp 10 - årets mest leste saker:

1. Ingen kan tulla som Thololest 7.854 gongar
Folk i Os og Fusa ler seg krokete av Øystein "Bygdetulling" Tholo sine tekstar på facebook. No blir det bok av brøytebilsjåføren sine skråblikk.

2. – Ta av deg dyno, då! lest 7.472 gongar
– Det var ganske creepy, synes ei kvinne i 30-åra som hadde stønnande kikkar utanfor soveromsvindauget i Varåsen.

3. Gut pågripen i drapssaka lest 6.754 gongar
Tatt i Os: Ein 18 år gamal gut er pågripen, mistenkt for å stå bak drapet på Hilda Feste.

4. Spruta sæd på jakke lest 6.474 gongar
Ein ung mann blei tatt for onani på Amfi måndag ettermiddag.

5. Cowboy-bryllaup på Thuen lest 6.446 gongar
Lars Eirik Lekven fekk i dag ja i kyrkja av Lisbeth Økland. Responsen var også positiv då venane blei invitert til bryllaupsfest i cowboy-stil.

6. Os flaumer over lest 5.949 gongar
Lyn og store nedbørsmengder: – Vi er ute på 10 oppdrag parallelt, seier brannsjef Stein Gjøsund.

7. Avslørte kikaren lest 5.930 gongar
Ein sint osing ringte til kikaren. Då fekk han seg ei overrasking av dei sjeldne.

8. Rygga frå Bergen til Os lest 5.414 gongar
– Eg skulle berre eit lite stykke, seier bilføraren som i formiddag blei stoppa ryggande ut av 70-sona på Hetleflåten.

9. Lagde kø på 5 kilometer lest 4.874 gongar
– Han sykla midt i vegen, skulle tru det var ein demonstrasjon, fortel vitne.

10. Osingar på rek lest 4.869 gongar
Orkan og 17 meter høge bølgjer gjorde at det flytande hotellet ved Oseberg C blei kopla av. Om bord var 400 arbeidarar.

På 11. plass kjem Blant verdas kraftigaste, med bildeserie av den gigantiske båten KL Sandefjord og intervju med kaptein Trond Bruarøy.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.