Lokal | 20. des. 2012
– Mest snop på taket
Mange ville bygga borg i årets peparkakeby i Øyane, men enkelte var strategisk og heldt seg til hus.
Kjetil Vasby Bruarøytorsdag 20. des. 2012 15:06
SFO-en ved barneskulen i Øyane held på tradisjonen med å bygga peparkakeby.
– I år starta vi ekstra tidleg så vi fekk den klar til starten på desember, seier SFO-leiar Nini Ramsvik.
43 ungar frå 1. til 4. klasse bygde kvar sitt hus, eller borg.
– Det var fleire som ville bygga borg i år, men då vi kom i gang var det enkelte som såg at det kunne vera smart å halda seg til hus.
– Det er jo plass til mest snop når du har tak, ler Nini.
Ungane har kjevla og pynta sjølv, samansetjinga står dei vaksne for.
Og i dag fekk ungane med seg husa heim, nokre med meir snop enn andre ...