Behovet for skredsikring i Region vest er på minst 22 milliardar kroner, viser nye analysar.
Behovet i regionen utgjer halvparten av det totale behovet i heile landet, skriv vegvesenet i ei pressemelding i dag.
Skredsikringsplanen for Region vest skal vise dei mest skredutsette punkta på riks- og fylkesvegnettet i Rogaland, Hordaland og Sogn og Fjordane. Skredsikringsplanen omfattar 715 skredpunkt på riks- og fylkesvegnettet.
For ein del av dei skredutsette punkta i planen kjem Statens vegvesen med forslag til tiltak for å redusere skredfaren og eit overslag over kva tiltaket vil koste.
Vil bruka 13 mill i Rødsliane
Frå vegvesen.no over kan du lasta ned skredsikringsplanen for region vest.
Her er områda i Rødsliane, langd fv 137, rangert som middels skredfare, med skredfaktor 3,0 og 3,2. (Frå 3,5 til 5,5 er rangert som høg.)
I planen er det forslag om tiltak i form av nett, bolting og voll for 6 millionar kroner i Rødsliane ved Kvitabrøytet og nett og bolting for 7 millionar ved Lønningdal.
Skredsikringsplanen er ein del av grunnlagsarbeidet for Handlingsprogram i Nasjonal transportplan (NTP) for perioden 2018–2029.