MidtsidenCup 2025: Dato for gatecup er sett
ANNONSE: I år kan også spelarane i MidtsidenCup konkurrere om førsteplass i kategorien «Best in show».
ANNONSE:
I fjor var det 34 lag, fleire enn på lenge, påmeldt til MidtsidenCup.
Amatørklassen hadde 18 lag, som var ein auke på 5 lag frå året før.
Os Fotball held på dei fire klassane, damer, bedrift (mix), herrar amatør og herrar elite.
I år blir gatecupen for vaksne spelt laurdag 1. november.
- Tilbakeblikk: MidtsidenCup-arkivet
Praktisk informasjon
Stad: Kuventræ
Tid: Laurdag 1. november frå ca klokka 10 til 16*
* Cupen blir spelt ferdig på éin dag - men kan starta tidlegare om det blir mange lag påmeldt. Dameklassen får truleg finale i 13-14-tida.
Aldersgrense: 16 år for gutar (fødd i 2009), 15 år for jenter (fødd i 2010)
Pris, cup: 2500 kroner per lag (inntil 15 spelarar/frå kr 167 per spelar)
Påmelding: Send namn på lag, klasse og namn og nummer til lagleiar på epost til susann@midtsiden.no
Påmeldingsfrist: Søndag 26. oktober kl 12
Send gjerne inn påmelding først, med klasse og namn på lag, så kan spelarliste og betaling koma seinare, men seinast innan tysdag 28. oktober.
Betaling: Os Fotball konto 3633.59.99023 (merk med namn på lag).
Tittelforsvararane
Desse laga vann i fjor:
Damer: Osstad
Bedrift: Elements Production
Herrar elite: Qeefers
Herrar amatør: Liams Losseballer
Best in show
Det er ikkje berre hundar og andre dyr som kan vinne denne gjeve prisen. I år kan også spelarane i MidtsidenCup konkurrere om førsteplass i kategorien «Best in show».
I vurderinga tel teknikk eller fart null, niks og nada. Her blir laget vurdert etter stil, kreativitet og sjølvsagt – show!
– Vi saknar fargar, parykker, glitter, glam og utkledning på Kuventræ. MidtsidenCup er ein perfekt arena for å utfordra til artige eller alternative drakter, seier dagleg leiar for Os fotball Endre Brenne.
Klassar og reglar
GENERELLE REGLAR - ALLE KLASSAR:
• 7 til 15 spelarar per lag. Uansett skade eller anna fråvær kan berre påmeldte spelarar stilla for kvart lag. Pass på at du har mange nok til sluttspel!
• 2 x 12 min. omgangar med sidebyte og kort pause
• Puljespel i innleiande rundar, 2-3 beste frå kvar pulje går vidare til sluttspel.
• Ved lik poengsum blir det først sett på målforskjell, så på innbyrdes oppgjer, evt mengde skåra mål eller myntkast.
• Alle sluttspelkampar inkludert finalar blir avgjorte på straffespark dersom det står likt ved full tid. Det er lov å byta keeper til ein evt. straffekonkurranse.
DAMER
• Ta med inntil 5 aktive. Frå aktiv nummer 3 får du mål imot (har du 5 aktive og speler mot eit lag utan aktive startar kampen 0-3).
• Dei som har vore på banen i éin seniorkamp frå 3. divisjon og opp tel som aktiv, aldersbestemt tel ikkje som aktiv
• Aldersgrense i dameklassen er 15 år (16 år for herrar/gutar)
HERRAR AMATØR
• Alle som har spelt offisiell seniorkamp (serie eller NM, på banen i 2 kampar eller meir*) i år tel som aktive, men ikkje gute-/juniorspelarar eller veteran/oldboys.
• Du kan ha med maks 2 aktive
• Du får mål imot for kvar aktiv du har med. (Kampen startar med 0-1 eller 0-2 om du har 1 eller 2 aktive med).
HERRAR ELITE
• Ta med så mange aktive du vil, men berre inntil 3 spelarar frå 3. div og opp.
• Ingen straffe eller baklengsmål, uansett mengde aktive.
BEDRIFT (HERRE/MIX)
• Alle spelarane må ha fått løn eller honorar frå bedrifta i 2024, eller vera gift/sambuar med ein tilsett i firmaet
• Det er valfritt å stilla med mixlag (herre/dame).
• Den tilsette kan IKKJE ta med andre familiemedlemmar (eigne born, nieser eller nevør f eks)
• Kommunetilsette som stiller lag må jobba ved same avdeling, ingen toppa lag med tilsette frå ulike skular eller liknande. (Søk om disp til å ta med utanforståande om du manglar spelarar til å stilla lag)
• Ta med så mange aktive du vil, MEN: Har du fleire enn tre aktive, får du mål imot per aktive utover tre. Eksempel: du stiller med fire aktive mot eit lag med to aktive, så startar kampen på stillinga 0-1.
• Alle som har spelt offisiell seniorkamp (serie eller NM, på banen i 2 kampar eller meir*) i år tel som aktive.
