Fotball | 07. nov. 2022

MidtsidenCup: Beste damepulje på 11 år

Desse laga er påmeldte til no. Fristen er flytta til onsdag.

Glimt frå 2017, sist det var nok påmeldte i dameklassen. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 07. nov. 2022 19:54

Førstkomande laurdag er det gatecup for vaksne på Kuventræ.

Påmeldingsfristen var i går, men den er no flytta til onsdag 9. november klokka 12.

– Det er nok påmeldte lag i alle klassar, men vi har plass til nokre lag til før vi spikrar kampoppsettet, seier Endre Brenne frå Os Fotball.

Så langt er det 21 påmeldte lag mot 22 i fjor.

Dei fordeler seg sånn:
Herrar elite: 4
Herrar amatør: 6
Bedrift: 6
Damer: 5

– Vi veit om eit par gjengar som prøver å samla tropp, så vi gir dei og alle andre noko meir tid, seier Brenne.

HAUSTENS RØFFASTE EVENTYR? Her frå gatecupen i 2015. (Foto: Kjetil Vasby Bruarøy)
Les ògMidtsidenCup: I år med galla og dameklasse

Fleire av cupdeltakarane har også meldt seg på fotballgallaen i Oseana laurdag kveld.

– Nokre har berre meldt seg på festen etter middagen, men dei fleste frå gatecupen som deltar på gallaen har booka seg inn med bord og full middag.

12 år sidan sist det var fleire damelag

Det er fem år sidan sist det var nok påmeldte i dameklassen, og fleire år låg det på berre 3-4 lag.

– Det er også veldig kjekt å sjå at vi har heile fem lag påmeldt i dameklassen. Det betyr at alle laga får minst fire kampar, mot ulik motstand, før dei byrjar å kjempa seg til finale.

Det er 11 år sidan sist det var så mange som 5 påmeldte i dameklassen. Året før var det 7.

Desse laga er påmeldte til no

(lagleiar i parantes)

Damer:
BALLIN (Kine Heggland Sælen)
Det blå toget-old stars (Inger Foldrup)
Haapet2 (Jorunn Staverløkk)
Kommunedamene FK-Fall og knall (Elin Tuft)
Godt & Blandet (Vy Nguyen)

Bedrift:
SK Ambulanse (Mons Martin Borgen)
Brann og Redning (André H. Solbakken)
Elements Production AS (Torkel Hjertnes)
Kongshaug Fotballgymnas (Ina Storeheier)
OM-spesialisten (Valter Midtseter)
Sælen/Vestmekaniske (Tore Sælen)

Herrar amatør:
1-2 (Kjetil Eide)
Bacon FC (Fredrik Bjørkelund)
Fotballens Knoll og Tott (Frode Øye)
Hooligans FC (Sebastian Bruarøy)
Tatt av vinden IL (Endre Brenne)
Ungdomskilden IL (Torstein Hermansen)

Herrar elite:
Likbrekko (Mr Moberg)
Make Peter Great Again (Alexander Tøssebro)
Pique Blinders (Spangelo Haga)
Øyglimt Elite (William Austevoll Bolstad)

Spennande? Vil du ha ukas høgdepunkt i innboksen?

Tilbod i november

Tilgang til alt innhald i 3 månadar for kun kr 300,-

Di støtte gir liv til lokalavisa vår.

  • Kun kr 300,- i 3 månadar
  • Tilgang til alt innhald
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.