Politikk | 28. des. 2022

Mikal Leigland har gått bort

Varaordførar i Bjørnafjorden kommune, Mikal Leigland (Sp) sovna stille inn heime i Strandvik, i dag, 28. desember.

Mikal Leigland har gått bort
Mikal Leigland, her i valkanmp for Sp i 2019. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 28. des. 2022 16:11

Varaordførar i Bjørnafjorden kommune, Mikal Leigland (Sp) sovna stille inn heime i Strandvik, i dag, 28. desember 2022, omgjeven av sine nærmaste, etter kort tids sjukdom.

Det opplyser Bjørnafjorden kommune i ei pressemelding. Meldinga skjer i samråd med Mikal Leigland sin nærmaste familie.

– Det er med stor sorg vi mottok meldinga om Mikal sin bortgang. Mikal var ein bauta på så mange måtar. Han set spor etter seg, ikkje berre i Strandvik, i gamle Fusa eller i Bjørnafjorden kommune, men i ein heil landsdel, seier ordførar Trine Lindborg.

– Han var ein ekte samfunnsbyggar, med eit enormt hjarte og varm omtanke for alle dei rundt seg. Han vil bli sårt sakna av alle oss som har vore så uendeleg heldige å kjenna han.

– Eg er så lei meg, og samstundes takksam for dei tre åra eg fekk jobba tett saman med Mikal. Vi var ulike, og hadde aldri jobba saman før. Men vi fekk raskt respekt for kvarande og blei verkeleg gode venar, seier Lindborg.

Mikal blei fødd i 1961.

– Bjørnafjorden kommune sender varme tankar til kona Magnhild, barn, svigerbarn, barnebarn og øvrig familie. Vi kjenner med dykk i sorga. Vi tenker òg på alle dei tilsette i Leigland Bygg som no har det tungt, seier Lindborg.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.