Millimeter frå 2x350

Cathrine Daviknes deltok i helga på Noregs Cup på austlandet. Som einaste junior frå Os skyttarlag forsvarte ungjenta laget si ære på ein framifrå måte.

Noregs cupen gjekk over tre dagar på tre forskjellige banar.

- Eg er spesielt nøgd med skytinga fredag og laurdag, fortel Cathrine til Midtsiden.no

350 poeng fredag

Fredagens skyting gjekk på bana til Asker skyttarlag. Cathrine starta den første av dei tre rundane på best mogleg måte med 350 poeng på dei 35 skota.

- Eg fekk 35 tiarar med 22 innertiere.

- Diverre var det ein som var betre enn meg så det blei sølv og pengepremie, smilar skyttaren.

3 x millimetre frå fullt hus

Runden på laurdag gjekk på bana til Oslo Østre skyttarlag. Osskyttaren var klar for å gjera om den gode skytinga frå fredagens runde, men hadde tre skot på 9,9 og havna litt lengre ned på resultat lista.

- Det er berre snakk om ein millimeter frå 10eren på kvart av dei tre skota.

Dei tre skota kom i serien på kneståande.

Hovudet på feil plass

Sundagens runde på Drøbak & Frogn blei ein liten nedtur for Daviknes.

- I tillegg til at det blåste ein god del, hadde eg ikkje med med hovudet på standplass på sundagen.

- Det blei "berre" 340 poeng og ein 33. plass, avsluttar Daviknes.

Helge Eidsvik deltok òg i Noregs cupen. Eidsvik skyt i klasse fire med 25 skot i innleiande runde. Eidsvik skaut 333 poeng i Asker, 331 i Oslo Østre og 237 i Drøbak & Frogn.