Meining | 23. aug. 2023

Min kamp for Kongshaug held fram!

DEBATT: Enerhaug og Rotvik ønsker å score nokre billige politiske poeng.

Min kamp for Kongshaug held fram!
Trine Lindborg saman med rektor Henning Iversen då ho besøkte Kongshaug i fjor. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 23. aug. 2023 09:24

Enerhaug og Rotvik frå Bjørnafjorden Krf har ved fleire høve gått til angrep på meg som følge av regjeringa sitt kutt i særtilskotet til Kongshaug.

Anklagene og ordbruken om at eg ikkje har gjort noko for Kongshaug er så langt fra sanninga som det er mogleg å koma.

Det at Enerhaug og Rotvik ønsker å score nokre billige politiske poeng på mi bekostning, får stå for deira rekning, eg vel å vende det andre kinnet til og fortsette kampen for Kongshaug.

Eg kjem ikkje til å gå inn i ein debatt om kordan eg brukar mi rolle som ordførar, i staden vil eg fortsette å stå på, framsnakke og kjempe for at Kongshaug skal få den støtta dei treng.

Utanom å få minister Tonja Brenna til Kongshaug har eg gjennom hausten og våren hatt utallige samtaler og møter med stortingsrepresentantar og representantar for regjeringa.

Dette har resultert i at Kongshaug har fått møtt representantar i finanskomiteen og i utdanning- og forskningskomiteen for å fremje si sak.

Eg er, som Kongshaug, utruleg skuffa for at dette ikkje gikk igjennom i revidert statsbudsjett.

Men eg trur ikkje det hjelper at vi krangler lokalt.

Enerhaug sitt varemerke i alle saker og debatter er jo at vi skal samarbeide, og han har meir enn éin gong kritisert oss alle for det motsette.

Eg meiner vi i denne saka heller bør stå saman og jobba opp mot politikarane i Oslo.

Vår jobb no er å få dei til å forstå kor viktig Kongshaug er for musikkungdomane, ikkje berre for Bjørnafjorden, men for heile Norge.

Det kjem i alle fall eg til å gjere!

Trine Lindborg
Ordførar, Bjørnafjorden kommune

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.