Lokal | 14. juni 2020

Mindreårig fekk fartsbot på 8.500 kroner

Tatt i snittmåling tidleg på morgonkvisten.

Mindreårig fekk fartsbot på 8.500 kroner
(Ill. foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøysøndag 14. juni 2020 12:02

Klokka 05.50 natt til laurdag gjennomførte politiet ein fartskontroll på Hegglandsdalsvegen.

– Ein lett motorsykkel blei målt til 74 km/t i 50-sona, opplyser vakthavande ved Bjørnafjorden lensmannskontor.

Dette var 2 km/t unna førarkortbeslag, og konsekvensen blei eit forelegg på 8.500 kroner og tre prikkar på førarkortet (dobling av prikkar i prøvetid gjeld klasse B, bil, ikkje lett mc).

– MC-førar er mindreårig, og det er opp til foreldra å ta stilling til om forelegget.

Fredag kveld i 20-tida blei ein MC kontrollert i Os sentrum. MC-førar fekk pålegg om utbetring av skilt, då dette ikkje hadde godkjent posisjon. No må det fiksast og MC må visast for Statens vegvesen.

Støy frå mange festar

Utan å gå nærmare inn på krins og nabolag, fortel Bjørnafjorden lensmannskontor om mange klager på støy frå fest.

– Vi fekk inn mange klagar på feststøy.

– Det var tilsvarande andre stadar i distriktet, og i vårt område både i sentrum og i utkantane.

Sjekka tilhengarar i Industrivegen

Laurdag morgon hadde politiet promillekontroll i Os sentrum. Alle dei kontrollerte var edru.

På dagtid, i 13.30-tida, hadde dei kontroll av bilar med tilhengarar. Dei var det mange av mellom byggevarer og Bir i Industrivegen.

– Alle dei ni kontrollerte hadde gyldig førarkort på tilhengarane dei køyrde med. Som tips til andre som skal køyra med tilhengar; tast inn registreringsnummer på vegvesenet sin tilhengarkalkulator før du køyrer, så får du raskt svar på ein enkel måte.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.