Mista førarkortet etter vinglete køyring

Laurdag i 16-tida stoppa politiet ein kvinneleg bilist i 80-åra.

– Vi hadde fått melding om vinglete køyring frå Lepsøykrysset til Kiwi Moberg. I rundkøyringa ved Kiwi skal ho ha vore oppå ei refuge, fortel politioverbetjent Audun Hadler-Olsen.

Kvinna blei stoppa på Moberg og det er tatt beslag i førarkortet hennar av helsemessige årsaker.

Visste at han køyrde vinglete

I 18-tida laurdag fekk politiet melding om vinglete køyring frå Bergen til Os.

Bilen blei stoppa og førar, ein mann i 30-åra, blei funnen edru og ok.

– Han fortalte at han visste at han hadde køyrd vinglete og forklarte at han gjorde det for å gynga ungen sin i søvn.

– Vi forklarte at denne formen for åtferd i trafikken ikkje er akseptabelt, men han slapp unna med ei åtvaring.

100 sjekka for promille

Laurdag formiddag hadde politiet promillekontroll to stadar på E39, på Søfteland og på vekta på Halhjemsvegen.

– 100 bilistar blei kontrollert, alle var edru og hadde papira i orden.