Mista lappen ved Kloppamyra

Tysdag i 15-tida blei ein bilist stoppa på Ulvenvegen.

– Patruljen hadde tatt snittmåling. Denne viste ein snittfart på 77 km/t i 50-sona forbi Kloppamyra, fortel politiførstebetjent Rune Fimreite.

76 km/t kvalifiserer til førarkortbeslag, dermed blei førar, ein mann i 30-åra, fotgjengar.

Same fart i førre veke

Onsdag for ei veke sidan blei blei eit born nesten påkøyrd i same område.

Også då var farten 77 km/t, og førar blei fotgjengar.

Det er lagt til rette for fotgjengarfelt mellom Irgenskrysset og nye Spar Nore Neset, men det er ikkje sikkert at vegvesenet vil etablera gangfelt her.