Mista leiinga i 58. minutt

Ein sterk kamp og eit frustrerande resultat for Os-damene.

Playmaker Ayleen A. Hansen skåra i viktige og vanskelege periodar av kampen. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøyonsdag 08. jan. 2020 11:54

Bildeserie:

Samstemt utvising til Os i sluttminutta. (Foto: KVB)
Stine Eide sendte Os i leiinga. (Foto: KVB)
Os stlte med ny keeper, Siri Eide Børtveit. (Foto: KVB)
Malene blei toppskårar med 7 mål, eitt av dei frå straffemerket. (Foto: KVB)
Emma skåra i same minutt som ho fekk koma innpå. (Foto: KVB)
Sofie Evensen prøvde seg, men blei for inneklemt. (Foto: KVB)
Anna S. Mjånes skåra 3 mål, her sender ho Os opp i 18-12. (Foto: KVB)
Stine skåra 5 mål. Her fekk ho keeper utvist. (Foto: KVB)
Budal påpeikte at gjestane spelte med éin for mykje. (Foto: KVB)
Regine Sten skåra 3. (Foto: KVB)
Ayleen skåra 4, men dette skptet blei redda. (Foto: KVB)
Samstemt utvising til Os i sluttminutta. (Foto: KVB)
Stine Eide sendte Os i leiinga. (Foto: KVB)
1 av 11
Stine Eide sendte Os i leiinga. (Foto: KVB)
Os stlte med ny keeper, Siri Eide Børtveit. (Foto: KVB)
Malene blei toppskårar med 7 mål, eitt av dei frå straffemerket. (Foto: KVB)
Emma skåra i same minutt som ho fekk koma innpå. (Foto: KVB)
Sofie Evensen prøvde seg, men blei for inneklemt. (Foto: KVB)
Anna S. Mjånes skåra 3 mål, her sender ho Os opp i 18-12. (Foto: KVB)
Stine skåra 5 mål. Her fekk ho keeper utvist. (Foto: KVB)
Budal påpeikte at gjestane spelte med éin for mykje. (Foto: KVB)
Regine Sten skåra 3. (Foto: KVB)
Ayleen skåra 4, men dette skptet blei redda. (Foto: KVB)
Samstemt utvising til Os i sluttminutta. (Foto: KVB)

Os og Kjøkkelvik sto med omtrent motsett historikk før gårsdagens start på handballåret 2020, Os med 3-1-7 sigrar-uavgjort-tap, Kjøkkelvik med 7-0-3.

Likevel gjekk Os, med nysignert keeper Siri Eide Børtveit, rett i leiinga, heldt seg i tet, låg 4-5 mål framfor mesteparten av 2. omgang, men tapte med eitt mål.

Os - Kjøkkelvik 25-26 (14-9)
Os: Siri Eide Børtveit, Malene Massi Fagerthun 7 (6+1), Stine Eide 5, Ayleen Akyüz Hagen 4, Regine Sten 3, Anna S. Mjånes 3, Emma S. Lyssand 2, Charlotte Pettersen 1, Sofie Evensen, Amalie Evensen, Lena Nåmdal og Dina S. Midthun.

– Dette var surt for jentene, etter ein så god kamp, og med så mykje støtte frå ein livleg tribune. Det er det verste eg har opplevd på så lenge eg kan hugsa, seier trenar Trond Budal, trass det sure tapet for Florø ferskt i minne.

Før jul leia Os med 7 mål borte mot Florø då det sto 10 minutt igjen, og tapte med 3 mål. I går kom snuoperasjonen i siste 2,5 speleminutt.

– Du tok timeout 22,5 minutt ut i 2. omgang, på stillinga 23-21. Kva sa du til jentene då?

– Eg ba dei halda på roen i angrep, halda humøret oppe og å tryga leiinga.

– Samtidig er det eit vanskeleg val å ta i innspurten, skal du halda på dei du reknar med vil stå best i forsvar, eller skal du bruka dei du reknar med har størst sjanse for å skåra. Eg valte å stå med dei som har best erfaring i forsvar.

På rett spor

Publikum var omtrent på 2. divisjonsnivå i Oshallen i går, og kanskje hakket over då det kom til heiarop. Dei fekk mykje godt spel og høg spenningsfaktor i retur.

Etter kvar sine resultatlause angrep gjekk Os i leiinga ved Stine Eide. Kjøkkelvik utlikna, men Børtveit hadde nokre viktige redningar og Malene Massi Fagerthun sørgja for 2-1, 3-2 og 5-2, med nok eit mål av Eide innimellom.

I ein periode utan skåringar kom Emma Sælen Lyssand inn, skåra i første speleminutt og skapte med høg fart ein ny dynamikk i angrepsspelet. Os drog ikkje meir ifrå enn at det blei spennande inn mot pause, frå 8-6 og 10-8 til nokre gode periodar på tampen av omgangen og komfortable 14-9 til pause.

Etter pause butta det litt imot for begge lag før gjestane reduserte til 14-10 og 14-11. Her tok playmaker Ayleen ansvar, skåra tre mål på rad og sørgja for at Os heldt på forspranget.

Os leia 18-12 og 20-14, men Kjøkkelvik gav ikkje opp. 23-18 blei til 23-22. I 25. minutt leia Os 24-22, herfrå gjekk det til 24-25, 25-25 og avgjerande 25-26-skåring 19 sekund før slutt.

Vurderer å senda protest

Kjøkkelvik fekk spelar utvist i både 13:26 og 14:45 minutt, ein av dei var keeper. Men etter 14:45 skal dei ein periode ha spelt med berre éin av banen, og i denne perioden skåra dei mål. I tillegg fekk Os ei utvising i denne perioden.

Os-trenar Trond Budal varsla dommarane om feilen. Det blei stopp i spelet, og ein kort diskusjon, men dommarane gjorde ingen grep.

– Kjøkkelvik-trenaren var rask med å ta ein ekstra spelar av banen, og poengterte at dommarane ikkje kunne dømma på noko dei ikkje har sett sjølv.

– Vi har kampen på video, og eg vil både gå gjennom denne og forhøyra meg med ein erfaren dommar, det er mogleg at eg sender protest på resultatet, seier Budal.

Uavhengig av resultat i denne kampen, var det ei underhaldande stund i Oshallen.

Os speler borte mot Bergen søndag. Søndagen etter er det heimekamp mot Fyllingen 2.

Terminliste og tabell på handball.no

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.