Mistenker promillekøyring

I 03.30-tida natt til laurdag blei ein bilist stoppa å Byvegen, litt nord for Os sentrum.

– Vedkomande er mistenkt for ruspåverka køyring. Han blei tatt med til legevakt for blodprøvetaking, fortel vakthavande ved Os lensmansskontor.

Det blei òg tatt beslag i førarkortet. Bilførar er ein utanlandsk mann i 40-åra, heimehøyrande i Os.

Fann tomt telt på Bjørnen

Fredag kveld klokka 21.30 blei det funne eit tomt telt på ei fjellhylle på Bjørnen.

– Det var tydeleg at nokon berre har gått frå teltet. Det var blese skeivt og det var ein del vatn i teltet.

– Det var òg noko utstyr i teltet, men ikkje noko som kan seia oss kven som eig det.

Teltet er blått og grått. Politiet ber eigar henta det.