Mistenkt for bedrageri

I helga fekk politiet melding om ein ukjent mann som dukka opp i eit hus i Lønnevågen i Strøno.

– Han hadde forvilla seg inn i feil hus og blei vist vidare utan at det blei noko meir tull, seier politioverbetjent Terje Sperrevik.

På moped utan lappen

Laurdag var patruljen på Bogstrand der dei stoppa ein moped.

– Føraren hadde ikkje lappen på moped, så han blir meldt.

Tok beslag i innsamlingsbøsser

Søndag fekk politiet melding om utlendingar som gjekk og tigga på Halhjem ferjekai.

– Dei hevda at dei dreiv innsamling og at pengane skulle sendast til eit land i Aust-Europa.

Politiet sjekka dokumenta og mistenker dette for å vera bedrageri.

– Vi har vore borti liknande før. Vi tok beslag i både dokument og bøsser og følgjer opp saka, seier Sperrevik.

Kontroll og lause dyr

Laurdag hadde politiet promillekontroll på Lepsøyvegen og trafikkontroll på Hatvikvegen.

På Lepsøyvegen blei 16 bilførarar kontrollert, på Hatvikvegen 62. Alt var OK begge stadar.

I løpet av helga har politiet fått melding om laus hest på Bogstrand og laust storfe i Hegglandsdalen. Begge dyra skal fort ha blitt tatt hand om av eigarane.

Politit har i helga også tatt hand om to fulle menn i båt i Øyane og tatt transport av nokre av dei som har vore på veg frå Tysnesfest til arresten i Bergen.