Mistenkte etter brann sit framleis fengsla

Bildeserie:

1 av 3

Nyttårsaftan i 22.45-tida rykte brannvesen og ambulanse ut på melding om brann i ein leilegheit i Prestegardsskogen.

Det var ein politipatrulje som oppdaga at husværet var fylt med røyk.

– I det røykdykkarane våre tok seg inn, blei brannen tent, men vi fekk sløkt den raskt, sa varabrannsjef Erik Walden.

Det var ingen i bustaden då det byrja å brenna. Ingen blei skadd, men nokre nabohus blei evakuerte.

– Hadde vi kome nokre få minutt seinare ville både denne leilegheiten og nabohus stått i fare.

Husværet var fylt med sot og er framleis ikkje eigna å bu i.

Mann pågripen

Politiet mistenkte raskt brannen for å vera påsett, hundepatrulje blei tilkalla.

– Vi hadde eit namn å gå etter, og mistenkte blei funnen etter kort tid, fortel politioverbetjent Anne Lyssand.

Han blei ikkje funnen heime hos seg sjølv, men på ei anna adresse.

Vedkomande er ein mann i midten av 20-åra.

– Stemmer at det vedkomande tidlegare på dagen kom med trugslar mot kvinna som bur i huset?

– Vi har mistanke om det, ja.

Mistenkte sit framleis i arresten.