Feil bruk av mobiltelefon i bil, narkotika og høg fart er sakene politiet har hatt det siste døgeret. (Ill.foto: KVB)

Mobil, narkotika og fart

Feil bruk av mobiltelefon i Mobergsbakken, mann teken med narkotika nord for Os sentrum og høg fart på Skeisflaten.

Av: Kjetil Osablod Grønvigh

Like før klokka 9 søndag morgon vart ein bil stoppa av politiet i Mobergsbakken.

Bilen fatta politiets interesse grunna bilføraren sin bruk av mobiltelefon mens han køyrde.

Eit forenkla førelegg på 1700 kroner og to prikkar i sertifikatet vart utdelt, og vedteke på staden.

I 11.30-tida vart ein mann i 20-åra pågripen av politiet nord for Os sentrum.

På mannen fann politiet GHB, GBL og marihuana.

Politioverbetjent Anne Lyssand ved Os Lensmannskontor seier at mannen er ein «kjenning» av politiet, og at det er oppretta sak.

Under ein trafikkkontroll på Skeisflaten i 12-tida søndag vart ein bilførar målt til ein snittfart på 65 kilometer i timen.

Fartsgrensa på staden er 50 kilometer i timen.

Lyssand fortel at det vart skrive ut eit førelegg på 3800 kroner og to prikkar i sertifikatet til bilføraren.

Fleire saker