Lokal | 16. juni 2010

«Monsterfabrikken»

Dei jobbar best under press, Poker Run-deltakarane frå Os. No er det lange kveldar i verkstaden i Dalen fram mot laurdag.

Kjetil Vasby Bruarøy
Kjetil Vasby Bruarøyonsdag 16. juni 2010 08:01

Bildeserie:

1 av 8

I Hegglandsdalen, nesten så langt frå sjøen som du kan koma i Os, blir det i desse dagar jobba på spreng med å få tre båtar klare til årets Bergen Poker Run, som glir gjennom delar av Os laurdag 19. juni.

- Vi jobbar visst best under press. Enkelte av oss, som meg, jobbar berre under press, seier Anders Arefjord og ler.

Alle dei tre osingane som deltar har oppgradert og skifta motor på båtane sine, men ikkje alle har fått motoren om bord enno. Dei tre båtane har til saman 2800 hestekrefter.

3 av 20 frå Os
Bergen Poker Run har 20 deltakarar, 3 av dei er frå Os:

• Anders Arefjord stiller med ein Rib Cat 38 med 1350 hk. Med 1050 hk gjorde båten 104 knop, noko som gjer den til verdas raskaste rib.

• Eirik Haugland stiller med sin Arriva 25.52 med cirka 800 hk. Med 600 hk gjorde båten 62 knop.

• Johannes Heidal stiller med ein Wellcraft Scarab 28 XL.

Anders Arefjor, Eirik Haugland og Karl Ole Lyngbø eig ein hall i det nye næringsområdet i Hegglandsdalen. Der har dei greit med plass til å mekka båt. Hallen har stått for sal nokre gongar, og får dei selt den bygger dei ny og litt større ved sida av.

Innom Askvik
I 2008 deltok Arefjord med sin nye båt, verdas raskaste rib, Rib Cat 38. I fjor sto han klar til å montera ny motor då racet i Bergen, grunna eit uhell i Stavanger Poker Run, blei avlyst.

- I år skal vi ikkje berre gjennom Bjørnefjorden, vi skal innom Askvik, noko som gjer det ekstra publikumsvennleg, også for dei som ikkje har båt. Strønebrua blir nok ein plass å stå i 12-13-tida laurdag, seier Anders Arefjord.

Bergen Poker Run startar som tidlegare år ved Verftet i Bergen og glir så innom Vågen før båtane kjører ganske fort til Korsneset. Her starta fartsetappen til Bekkjarvik i 2008, men grunna ulykka i fjor og fokus på tryggleik blir det ingen fartsetappe i år.

Båtane kjører i konvoi innom Askvik og opp Strønosen før dei truleg gjev gass sør mot langenuen og rundt Austevoll.

Med gir frå Dubai
Det har vore ein del tilpassing for å få motoren, ein Steve Schmidt V8 med 1350 hestekrefter, til å passa med eksos og andre koplingar.

- Eg var heldig som fekk tak i ein ubrukt girkasse som Victory Team hadde med seg på offshore-race i Noreg. Ein mekanikar frå Ugland-gruppa ordna den til meg, fortel han.

I 2008 var han endå seinare ute. Medan båten blei sjøsett, same dag som racet gjekk, måtte han stikka på førarmøte.

- Eg sat der og fekk info om racet utan å veta om eg hadde båt ein gong. Då var det kjekt å stå på kaien og sjå gjengen koma gliande.

- I år gler eg med til å høyra lyden i den nye motoren, men det blir veldig spennande å sjå om alt går som vi håpar.

Den som vinn racet er uansett den beste pokerspelaren. Kjørarane får til saman fem kort i løpet av racet og spelar med dei korta dei får.

Under kan du sjå video frå Bergen Poker Run 2008:

Spennande? Vil du ha ukas høgdepunkt i innboksen?

Tilgang til alt innhald for berre 145 kr i månaden

Di støtte gir liv til lokalavisa vår. Vi set stor pris på om du hjelper oss å spreia nyheitene!

  • Tilgang til alt innhald
  • Under 37 kr/veka
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.