Mopedist hamna i frontruta på ein bil

Tysdag klokka 16.36 fekk politiet melding om ei trafikkulykke på Skeisflaten.

– Meldinga gjekk ut på at ein gut på moped hadde kollidert med ein bil, hamna over styret og inn i frontruta, fortel Stine Mjelde, operasjonsleiar i Vest politidistrikt.

Politi og ambulanse rykte ut til krysset mellom Skeisflaten og Skeisleira.

Tok beslag i førarkort

– Mopedførar, ein gut på under 18 år, var utan alvorlege skadar. Foreldra blei varsla og han blei tatt til legevakt for sjekk.

Politiet mistenker mopedførar for ikkje å ha halde vikeplikta, og har tatt beslag i førarkortet.

Det skjedde det ei tilsvarande ulykke mellom MC og bil i same kryss i juni 2016.

Også då var det tohjulingen som ikkje heldt vikeplikta si, og som fekk førarkortet beslaglagt.