Morsmål gav meirsmak

– Det har vore ei krevjande plate å lage, seier Ole Reinert Berg-Olsen om hans første plate på norsk.

"Steingard", som blant anna inneheld duett med Steinar Albrigtsen og med Herborg Kråkevik, og stemmer frå Os Mannskor og Fonos, kom i hyllene i dag.

Les òg: 50 stemmer på ny ORBO-plate

Duettene med Herborg Kråkevik i «Statuen» og Steinar Albrigtsen i «Midnattsol» er blitt to høydepunkter. Men Orbo klarer seg også godt alene, som i «Dagene er for lange», meiner BA, og gjev terningkast 4 til Steingard.

– Eg er nøgd med anmeldelsen og spent på kva som kjem. BT sin blir truleg publisert i morgon, over helga kjem det fleire, seier ORBO.

– Meir kraftfullt på norsk

Ole seier han aldri før har jobba så mykje med tekstane til ei plate som med Steingard.

– Det blir meir kraftfullt på norsk - og folk legg meir merke til teksten. Det har vore utfordrande, men samtidig har det kome naturleg.

Den første reaksjonen fekk han frå Longshots-medlem Reidar Opdal.

– Først sa han at det var ufatteleg uvant å høyra meg på norsk, men no seier han at han har blitt vant med det, og at han synest det er rart å høyra meg synga engelsk, ler ORBO.

Sleppefest med stand-in

I 21-tida i kveld startar sleppefesten, ORBO sin første på Madam Felle.

– Eg har spelt ein del på Madam Felle, blant anna med dei faste julekonsertane. Men dette er min første sleppefest her nede.

Delar av Fonos er med for å kora. I tillegg er Fonos-medlemmet, den for mange kjente trubaduren Leif Østrem frå Os, med som stand-in.

– Leif har takka ja til å steppa inn for Steinar Albrigtsen, det var veldig hyggeleg. Og så har vi ei kjempeflink jente som tar Herborg si rolle, Hilde Hasselberg, fortel ORBO.