Fotball | 18. mars 2023

Møter Norway Cup-vinnarane i NM på heimebane

Os G16 speler tredje runde i NM på Kuventræ søndag.

Møter Norway Cup-vinnarane i NM på heimebane
2007-årgangen til Os, her i Norway Cup i fjor. (Foto: Privat)
Kjetil Vasby Bruarøy
Kjetil Vasby Bruarøylørdag 18. mars 2023 09:49

Os gutar 16 tok seg vidare frå andre NM-runde ved å henta inn 0-3 til 3-3 og vinna på straffespark-konkurranse over Nymark.

I morgon blir tredje runde spelt. Os tar imot Åsane til kampstart klokka 18.

Åsane sin 2007-årgang slo Førde i Norway Cup-finalen i fjor, og er venta å gi Os kraftig motstand.

– Åsane har eit veldig godt lag. Vi møtte dei i 1. divisjon i haust, og då blei vi rundspelt, innrømmer Os-trenar Ørjan Sandal.

– Men vi håper å kunna overraska, og vi gler oss til kamp, legg Sandal muntert til.

– Stallen er frisk og fin?

– Stallen ser bra ut! Vi har nokre småskadar og spelarar som er ute, men sånn er det ofte, både for oss og andre lag, så det heng vi oss ikkje opp i.

Målet for morgondagen er han også tydeleg på, Os siktar seg inn på uavgjort etter full tid, som i førre NM-runde.

– Vi ønskjer straffespark-konkurranse, for då vinn vi uansett, seier trenaren skråsikkert.

– Korleis kan du vera så trygg på det?

– Fordi det er sånn det er med dette laget.

I straffekonken som avgjorde førre NM-runde missa motstandar på to, Os skåra på sine fire første og trengte ikkje ta den femte for å få avansement.

I førre veke kom takplatene på, i dag var det montering av bakvegg. (Foto: Kjetil Vasby Bruarøy)
Les ògTak og veggar på plass - har fleire planar før opning

– Det er tribunetak under bygging, er det plass til publikum?

– Ja. Utanom arbeidstid er tribunen open, og tak og veggar gir allereie lune forhold for dei som vil koma og sjå ein teljande kamp på Kuventræ etter gamalt, seier dagleg leiar Endre Brenne.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.