– Motiverande VM

I førre veke og i helga var fire utøvarar frå Os Håndbakklubb med det norske landslaget i Gdynia i Polen.

Arne Thuen (grand master -90 kg), som tok bronse i førre VM i Brasil, og Øyvind Birkeland (master -90 kg) som tok gull og sølv i same VM, var først ute.

Thuen var skuffa då han per telefon fortalte at han rauk ut i tredje kampen. Også Birkeland blei stoppa tidleg.

Fredag og laurdag var Asle Kvamsdal og Tore Matre i kamp med venstre og høgre arm, Asle i -90 kg, Tore i -85 kg.

– Vi hamna cirka midt på resultatlista, ikkje fullt så bra som vi hadde håpa på, seier Tore Matre.

– Men nivået i seniorklassen er høgt, og når VM går i Polen kjem det ekstra mange med frå dei sterke nasjonane i Aust-Europa.

– Vi vann nokre kampar og fekk yta god motstand mot utøvarar som hamna eit godt stykke oppe på resultatlista, så det var motiverande, synest Matre.