Kerem Duvarci og Thomas Blomberg i derby på Stilvoll i haust. (Foto: Kjetil Vasby Bruarøy)

Motstandarane i 2019

Avdelingsoppsettet for 4. og 5. divisjon: Fem av Os 2 sine komande motstandarar spelte mot Os A-lag eller Lysekloster i år.

Av: Kjetil Vasby Bruarøy

I dag fortel sportsleg leiar Jan Frode Skeie at Os Fotball ser etter ny trenar for A-laget, men stadfestar samtidig at Os 2, som i år rykte opp til 4. divisjon, held fram under Martin Røttingen Eidsvik neste sesong.

I dag kom òg avdelingsoppsettet for 4. og 5. divisjon i Hordaland i 2019 ut.

Os 2 skal spela i 4. divisjon avdeling 2 neste sesong.

Der skal dei blant anna møta dei tre beste motstandarane A-laget hadde i år, Lyngbø, Sandviken og Frøya, mens lag som Fyllingsdalen 2, Loddefjord og Sund speler i avdeling 1.

I tillegg kan dei nok venta seg motstand av laga som rykte ned frå 3. divisjon i haust; Varegg og Øystese.

4. divisjon avdeling 2
Bremnes
Djerv
Frøya
Lyngbø
Odda
Os 2
Sandviken
Solid
Trio
Trott
Varegg (ned frå 3. div.)
Øystese (ned frå 3. div.)

Søfteland møter Fana 2

Søfteland gav ikkje Os 2 mykje motstand på Kuventræ, men på Stilvoll var Os 2 heldige som tok poeng.

Søfteland landa på 5. plass i år, og skal blant anna møta Austevoll, som spelte mot Os sitt A-lag i år, og Fana 2, som rykte ned frå den andre 4. divisjonsavdelinga.

5. divisjon avdeling 2
Austevoll (ned frå 4. div.)
BI Bergen
Bjarg 2
Bønes
Fana 2 (ned frå 4. div.)
Juristforeningen
Mathopen
NHH
Stord 2
Søfteland
Tornado Bergen
Vadmyra

Sjå alle 4. og 5. divisjonsavdelingane i Hordaland på fotball.no.

Fleire saker