Mounir i storform

Mounir Aouachria kom frå øvste nivå i Marokko til 3. og 5. divisjon i Os då han flytta til Noreg i starten på fjoråret.

– Han fekk trent godt i vinter, men har dessverre vore skadd gjennom hausten, seier Terje Kvittingen, som er med i trenarapparatet Os.

I går spelte han sine første 90 minutt for Os, for andrelaget i bortekamp mot Olsvik.

– Mounir skåra to mål, begge var typiske goalgettermål der han var på rett plass på to innlegg frå kant. Mounir var sterk kampen gjennom, fortel Kvittingen.

Olsvik - Os 2 2-2 (0-2)

Dette var også Kjetil Hansen sin første kamp for Os etter at han fekk sommarferie frå høgskulen i Bodø.

– Frode var vekkreist så det passa bra at vi hadde Kjetil disponibel. Og det var tydeleg at han har halde seg i form i Nord-Noreg, Kjetil sto ein stødig kamp, meiner Kvittingen.

Men laga hadde kvar sin omgang og kampen enda uavgjort.

– I første omgang styrte vi alt, Olsvik skapte ikkje noko farleg. Men så var dei heldig med sterk vind og god retning på eit langskot, der vinden pressa ballen ned i buret. Etter det tok heimelaget over.

Os 2 blei pressa store delar av omgangen, men skapte nokre farlege sjansar på tampen. Dei er likevel nøgd med 2-2 kampen sett under eitt.

Os 2: Kjetil Hansen - Ørjan Glesnes, Bjarte Halhjem, John Ole Johannessen, Thomas Mjelva - Lars Eikås, Håkon Kvittingen, Ørjan Håland, Steffen Ludvigsen - Aleksander Nilsen - Mounir Aouachria.

Byte: Ørjan Håland måtte av banen med krampe etter tre minutt. Inn kom Sander Kvittingen. Også Even Olsen fekk speletid i kampen.

Os ligg no på 5. plass på tabellen 5 poeng bak Bremnes.

Neste kamp går heime mot NHH 2 onsdag 17.10. A-laget speler heimekamp søndag mot Kopervik (kl 19).