Lokal | 13. jan. 2015

MS Hargun reiste heim – midt i orkanen

– Vi er vant med sånt vêr, men ikkje i Bjørnafjorden, seier Jonn Garvik, som målte vindstyrke på 91 knop rett utanfor Øyane.

Bilde tatt frå styrhuset på MS Hagun i Bjørnafjorden laurdag, i vindstyrke på over 90 knop. (Privat foto)
Kjetil Vasby Bruarøy
Kjetil Vasby Bruarøytirsdag 13. jan. 2015 14:40

Laurdag ettermiddag, då orkanen «Nina» kom til Vestlandet, var MS Hargun på veg heim frå sildefiske.

– Vi hadde levert 580 tonn nordsjøsild i Egersund og rigga om frå not til trål før vi gjekk heimover på morgonen, fortel Jonn Garvik.

Garvik har vore i vinden før, men har ikkje opplevd liknande på heimebane som den vindstyrken som var i Bjørnafjorden laurdag ettermiddag.

– Fascinerande

Før dei segla inn Strøneosen og la til land på Sundøy målte dei vindstyrke på 47 m/s, som tilsvarar 91 knop, eller 170 km/t, om du vil.

– Dette er ikkje unormal vindstyrke når vi fiskar i Atlanteren, men det var fascinerande å oppleva det heima i fjorden, synest Jonn.

MS Hargun ligg no til land mens Jonn er med MS Tørris på bryggereparasjon i Askvik etter at MS Samba måtte gå i lakse-fart igjen.

Orkan i fleire timar

Frå 63 knop blir vinden kategorisert som orkan, ifølgje Beauforts vindskala.

Ein privat vêrstasjon på Norstrøno skal ha målt over 63 knop samanhengande i over tre timar laurdag kveld og over 80 knop på det meste.

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.