Nabotvist og hjortepåkjørsel
Ein bilist blei overraska av hjort på Ulvensletta, ein nabo blei overraska av kampestein i gata utanfor huset.
Det siste døgnet har det vore ulike formar for hindringar i vegbanen:
• I 20-tida torsdag fekk politiet melding om potteskår på Halhjemsvegen ved Haugland. Politiet sørgja for at dette blei rydda vekk.
• Torsdag kom det også melding om stor stein i vegbanen i eit nabolag langs Lepsøyvegen.
– Det handla visst om ein tvist mellom naboar. Steinen låg i ein privat veg og dette ikkje ei politisak, i alle fall ikkje enno, seier lensmann Rasmus Dalen.
• Klokka 07.38 fredag morgon kom melding om påkjørt hjort på Ulvensletta.
– Påkjørsla skjedde i dumpen mellom avkjørsla til Lysekloster og flystripa. Hjorten sprang frå staden og ettersøkspersonar har ikkje funne spor etter den, fortel viltkontakt Espen Andersen, som sjølv ikkje var med på søket i dag.