Søkte i Hetleflåtvatnet søndag morgon

Klokka 08.17 kom det melding om mogleg observasjon av person i vasskanten i Skogavika på Hetleflåtvatnet ved E39 Byvegen.

– Nødetatane rykker ut for søk, opplyser Vest politidistrikt via Twitter.

Vest politidistrikt ber publikum som kan ha relevant informasjon eller observasjonar ta kontakt med politiet på 02800.

Personen som skal ha blitt observert skal ha hatt på seg ein blå jakke, og har lysebrunt hår.

Klokka 08.43 melder 110 Vest på Twitter at brannvesenet bistår med redningsdykkarar i søket.

Luftambulansen har og vore på staden, og køyrde i 09.15-tida mot Bergen igjen. Det same gjorde innsatsleiar frå politiet.

Det er foreløpig uvisst om søket har gitt resultat.

OPPDATERT kl 09.17: Søket er avslutta.

Det er ikkje gjort funn eller kome inn ny informasjon som tilseier at nokon er i nød. Politiet har i samråd med Hovedredningssentralen avslutta søket.