Beerenberg etablerte seg med produksjon i den tidlegare Askeladden-fabrikken i 2012. No har dei 75 tilsette ved fabrikken i Askvik. (Foto: KVB)
Beerenberg etablerte seg med produksjon i den tidlegare Askeladden-fabrikken i 2012. No har dei 75 tilsette ved fabrikken i Askvik. (Foto: KVB)

Nedbemanning hos Beerenberg

Men det er uvisst om arbeidsplassane i Os står i fare.

Kjetil Vasby Bruarøy
26. september 2014 - 11:14

Dei siste vekene har det kome meldingar om nedbemanning i olje- og gassnæringa. 

Det norske oljeserviceselskapet Beerenberg har skapt mange nye arbeidsplassar dei siste årene, og har rundt 1750 tilsette rundt om i verda.

I 2012 etablerte Beerenberg seg med produksjon i Os då dei leigde 5000 kvm av den 7000 kvm store Askeladden-fabrikken i Askvik.

– Her har vi i dag 75 tilsette, fortel informasjonssjef Ole Klemsdal til Midtsiden.

Kuttar 150 stillingar

Det var vest24.no/BA.no som tidlegare denne veka fortalte at selskapet vil kutta 150 stillingar.

– Vi har følgt situasjonen nøye over tid. Nedskjæringa skjer som følgje av den generelle nedgangen i olje og gassmarknaden, sa Klemsdal til BA på måndag.

– Er nokre av desse i Os?

–Vi kjører interne prosessar på dette og går ikkje ut med kvar kutta kjem, svarer Klemsdal.

Fekk ny kontrakt i august

Fabrikken i Askvik produserer isoleringsløysinga Benarx.

«Benarx er en komplett produktserie for passiv brannbeskyttelse, akustisk og termisk isolasjon. Dette er Beerenbergs egenutviklede produktserie og den tilfredsstiller de høyeste  kravene olje- og gassbransjen bransjen stiller til et isoleringsprodukt» skriv Beerenberg på sine heimesider.

Ifølgje Beerenberg.com fekk selskapet ein ny kontrakt med Statoil på Mongstad i august. Kontrakten er verdt 200 millionar kroner.

Selskapet har hovudkontor på Kokstad i Bergen og avdelinger i Stavanger, Haugesund, Molde, Oslo og Atyrau i Kasakhstan.

 

 

Les meir om

Næringsliv