Nedrykk for Haugsdal og Øygarden

Sotraklubben Øygarden, med fleire osingar om bord på laget, rykka i dag ned frå OBOS-ligaen.

På papiret hadde dei enno håp om å overleva, men då måtte dei ha poeng i dagens bortekamp mot KFUM. Det skjedde altså ikkje, og med éin kamp igjen å spela, er laget som tidligare heitte Nest-Sotra, ferdig i 1.divisjon.

Osingen Bjarte Haugsdal har hatt ei sentral rolle i klubben, både på banen som kaptein, men òg som marknadssjef. I tillegg har klubben lånt Brann-spelar og osing Vegard Strønen Skeie og hatt Sotra-spelar Knut Spangelo Haga på lån denne hausten.

I dagens kamp spelte både Haugsdal og Skeie heile kampen, mens Haga var ubrukt som reserve.

Øygarden har førebels rykka ned i lag med Kongsvinger, som osingen Mats Cato Moldskred rykte opp med i 2015.