Nei til nominasjon

Olve visste ikkje om nominasjonen då Midtsiden.no ringte han måndag formiddag, men sa på strak arm at han ikkje akkurat hoppa i stolen av glede.

- Vi får diskutera i bandet om vi skal stilla. Vi var på utdelinga då vi var nominert i 2002, for å sjå korleis festen var, men prisen har vi aldri hatt respekt for, seier Olve.

I ei pressemelding seinare i dag seier eit samstemt Immortal at dei takkar nei til nominasjonen.

- Vi skal ikkje tvinga nokon til å vera med på Spellemann, så då fjernar vi Immortal frå lista over dei nominerte. Det er heilt uproblematisk, seier styreleiar i Spellemann, Marte Thorsby til NRK Lydverket.