Nesten 2 millionar til idretten i Os

Lotteri- og stiftelsestilsynet offentleggjorde i dag tildelinga av kompensasjon for vare- og tenestemoms for 2018.

504 idrettslag i Hordaland får utbetalt 44 millioner kroner. Pengane blir utbetalt i starten på veke 52.

– Dette er ei rekordstor utbetaling. Når både søknadssum og utbetalingssum aukar frå år til år er dette eit tydeleg teikn på at aktiviteten i klubbar og lag også aukar, seier idrettspresident Berit Kjøll i ei pressemelding.

I denne lista (PDF) på idrettsforbundet.no ser du alle utbetalingane i Noreg.

Totalt får norsk idrett no i desember utbetalt 605,7 millionar kroner i momskompensasjon, basert på rekneskapsåret 2018, ei auke på 87 millionar frå i fjor. Klubbane får 471,2 millionar kroner til fordeling, cirka 94,1 millionar kroner meir enn dei fekk i fjor.

Vi fann 21 lag frå Os på lista, dei får utbetalt til saman 1.939.086 kroner:

Bjørnefjorden Golfklubb: 286.229 kroner
Cykle-Klubben Henie: 4.554 kroner
Jadakameratene IL: 15.712 kroner
Lysefjorden Rideklubb: 17.742 kroner
Lysekloster Idrettslag: 345.270 kroner
Moldegaard Ryttersportsklubb:27.814 kroner
Nore Neset Idrettslag: 274.013 kroner
Os Aero Klubb: 62.645 kroner
Os Basketballklubb: 1.161 kroner
Os Biljard og Snookerklubb: 23.360 kroner
Os Dykkeklubb: 15.100 kroner
Os Kobudokan Karateklubb: 21.580 kroner
Os Mc & Mx Klubb: 19.982 kroner
Os Orienteringsklubb: 3.681 kroner
Os Roklubb: 51.551 kroner
Os Seilforening: 47.250 kroner
Os Svømmeklubb: 34.133 kroner
Os Taekwon-do Klubb: 17.536 kroner
Os Turnforening: 487.841 kroner
Søre Neset Idrettslag: 149.467 kroner
Øyglimt il: 32.465 kroner