Lokal | 15. sep. 2019
Nesten 200 utan straum
Eit velta tre skal vera årsaka til straumbrot i Os aust.
Kjetil Vasby Bruarøysundag 15. sep. 2019 15:29
194 bustadar aust for Os sentrum er utan straum.
Borgavegen og Hjelle er råka, men òg innover i Hegglandsdalen skal folk vera utan straum.
– Årsaka er tre som er velta over linjene, skriv BKK Nett på sine heimesider.
Skaden er venta å bli utbetra innan klokka 18 i ettermiddag.
Det har regna tett i Os sidan laurdag midt på dagen, noko som skapte flaum over fylkesvegen i Nordstrøno laurdag kveld.
Samtidig har det blese liten kuling frå vest.