midtsiden

Nesten tatt på senga

Nordhordland spelte meir offensivt enn Os hadde venta, men etter ein jamn førsteomgang tok heimelaget fullstendig over.

image
image
image
image
image
image
Av: Kjetil Vasby Bruarøy

3. divisjon, laurdag 22. august:
Os - Nordhordland: 1-0 (0-0)

Desse spelte frå start (Os, 4-3-3): Halvard Enes, Torkel Hjertnes, Einar Algrøy, Per Merai, Remi Osebakken, Vegard L. Moberg, Stian Lunde, Preben Borgen, Frode Buvik, Tim H. Sperrevik, Tore Valvik.

Nordhordland stilte med: Espen Kjenes, Chris Fosse, Jack Halland, Christoffer Knutsen, Marcus Stueland, Sindre Skår, Geir Atle Osa, Jørgen Larsen, Kristian Andås, Magnus Tande, Yngve Njøten.

Gjestane overraska
- Vi hadde venta oss eit defensivt Nordhordland på Kuventræ i dag, men møtte eit lag som jobba hardare enn oss, og som sto høgt, seier Os-trenar Frank Hellevik.

Os stilte med feire spelarar på nye plassar, for å kjempa om å bryta gjennom det dei trudde skulle bli eit lag som la seg bakpå. Torkel Hjertnes, som normalt spelar høgre kant, var back, medan Preben Borgen, var kant. Tore Valvik spelte venstre kant.

I første omgang hadde Os nokre fine angrep frå venstre kant, men bortsett frå nokre frispark utanfor mål av Preben Borgen var det berre nokre få avsluttingar på mål, blant anna av Lunde og Sperrevik.

Nordhordland jobba knallhardt, og fekk fleire avsluttingar og hjørnespark. Men Halvard Enes spelte nok ein god kamp, og heldt fram med å halda buret reint.

- Vi blei så overraska av innsatsen til gjestane at vi ikkje fekk samla oss før etter praten i pausen.

Sprang dei tom
I andre omgang tok Os over. Borgen blei tatt ut i pausen, Hjertnes flytta fram på kant og Anders Glesnes kom inn som høgre back.

- Vi fekk til det meste, men kunne hatt betre utteljing. Eg vil gje honnør til Nordhordland, som jobba så godt dei klarte, men eit stykke ut i andre omgang hadde vi løpt dei tom, seier Hellevik.

Os skapte mange sjansar, men måtte nøya seg med 1-0 etter skåring av Tim Henrik Sperrevik i 64. minutt.

Skåringa kom etter at Anders Glesnes tok imot eit utspark frå gjestane sin keeper, sette fart og la inn. Innlegget kom i retur, men på neste forsøk trefte han skallen til Tim, som nikka ballen over keeper.

Gult kort til Tim
Kort tid etter skåringa nikka Stian Lunde ein ball i nota, men målet blei annulert grunna angrep på keeper.

Så var både Torkel og Tim åleine med keeper. Torkel skaut på keeper frå spiss vinkel, Tim snubla i keeper to gongar. Etter den eine gongen heldt keeper Sperrevik igjen ved å saksa han med føtene.

Sperrevik kjefta så mykje på dommaren etterpå at han fekk kampens einaste gule kort.

Også Ramo Racic og Christian Almeland fekk speletid, dei kom inn for Valvik og Hjertnes.

Eitt minutt før slutt leia Odda 1-0 over Tertnes. Om Tertnes tapte kampen får Os ei luke på 13 poeng bak til laget på andreplass på tabellen.

Os spelar neste kamp borte mot Lyngbø laurdag 29. august. Lyngbø har gjort det skarpt i det siste, med blant anna 6-2-siger over Trio, og klatra til 3. plass på tabellen.

SJÅ TABELL

Fleire saker