No bit laksen igjen

Etter ei god opningsfiske i Oselvo har det vore tørrare vêr og mindre fangst.

Men etter nokre dagar med nedbør har det no blitt tatt fleire fine laks.

Måndag fekk Stig Gram Knudsen og Remi Bårtveit fisk på 4,7 og 4,6 kilo i sone 2, onsdag var det større fisk å få.

11,5 og 8 kilo

Natt til onsdag fekk Johnny Lund laks på 4,6 og 6,0 kilo i sone 2, onsdag morgon blei det større fangst på Kjell Morten Søvik i Klekkerihølen (austbreidden).

– Eg skulle til å gje meg då den første og største beit på, fortel Kjell Morten til Midtsiden.

Laksen, som var på heile 11,5 kilo, var oppdrettsfisk.

SJÅ VIDEO: Kort tid etter landa han ein villaks på 8 kilo. Her kan du sjå prohd.no sin video av landinga (på YouTube)

Men kort tid seinare fekk han også ein fin villaks på 8 kilo.

Fleire store fiskar på veg opp

– Elva er stigande og det er meir nedbør i vente. Det er også observert ein del stor fisk på veg opp, så det kjem nok til å bli tatt ein del stor fisk i dagane som kjem, trur Søvik.

På prohd.no kan du sjå fleire bilde frå fangst i Oselvo.

Midtsiden samleside: Jakt og fiske