No kan du søka støtte til integreringsarbeid
Prosjekt som inkluderer norsktrening, eller som arbeider for å førebyggje rasisme og diskriminering blir prioritert.
Frivillige lag og organisasjonar i Bjørnafjorden kommune kan no søke om tilskot til prosjekt og tiltak som fremmar integrering.
Lokale innvandrarorganisasjonar kan òg søke om driftstilskot.
Søknadsfristen er 1. februar.
Mål om meir deltaking
Bjørnafjorden kommune forvaltar tilskota på vegner av Integrerings- og mangfaldsdirektoratet (IMDI).
Tilskotsordninga har som hovudmål å auka arbeids- og samfunnsdeltakinga blant innvandrarar og barna deira.
Målgruppa omfattar innvandrarar, norskfødde med innvandrarforeldre og andre i befolkninga elles.
I søknadsrunden i år oppmodar IMDI kommunane til å prioritera prosjekt som inkluderer norsktrening, eller som arbeider for å førebyggje rasisme og diskriminering.
Rettleiing og søknad
Er du usikker på om laget eller organisasjonen din kan søka?
Den 7. januar arrangerer Kultureininga eit digitalt nettmøte der aktuelle søkarar kan få rettleiing.
Lenke til nettmøtet vert tilgjengeleg på kommunen si heimeside når datoen nærmar seg.
For meir informasjon om kven som kan søka, korleis du går fram, og for å finna lenke til søknadsskjemaet, kan du besøka kommunen si nettside.
