Villa Bjordal Halvorsen. Brørne Bjarte (t.v.) og Kjetil Aarvik med prisen. (Foto: Privat/Kjetil Vasby Bruarøy)

Nok ein pris til Byggmester Aarvik

Tre år etter spektakulære «Moment» i Halhjemsmarka blei «Villa Bjordal Halvorsen» kåra til årets prosjekt.

image
image
image
image
image
image
Av: Kjetil Vasby Bruarøy

Byggmester Kjell Aarvik AS, som i mars fekk Miljøfyrtårn-sertifikat, blei førre helg tildelt pris for «årets prosjekt» i Norgeshus-kjeda. 117 forhandlarar, fleire av dei byggmeistrar, var samla på Sundvolden Hotel, då ulike prisar blei delte ut.

Aarvik har fått prisen éin gong før, etter at dei i 2015 bygde det spektakulære kataloghuset «Moment» i Halhjemsmarka.

– Denne gong var det ikkje eit kataloghus, men ein villa Norgeshus-kjeda fekk teikna for kunden vår, fortel Bjarte Aarvik.

Bjarte er dagleg leiar, storebror Kjetil er styreleiar.

Fem fokuspunkt

Juryen dømmer etter arkitektur, byggeteknik, samarbeid, profilering og økonomi.

Dei to andre nominerte var bustadprosjektet Granmolunden, ved Fredheim & Paulsby Bygg, og eit leilegheitsbygg med åtte einingar, av Kvernmo AS i Verdal.

Design og materialval inspirert av Asia

Kunden ville bygga på del av foreldra si tomt.

– Etter at frådeling av tomt var godkjent gjekk prosessen raskt, fortel Kjetil.

Huset er teikna av arkitekt John Birger Grytdal og er inspirert av Asia, og av moderne hotelldesing.

– Du ser det igjen i både design og materialval, som kista (takutstikk) som vipper opp, og delar av fasaden, som er kledd i brent kebony-kledning. Denne er vedlikehaldsfri, fortel brørne Aarvik.

I Japan har brent tre vore nytta til kledning i århundrar, kjent under namna Shou Sugi Ban eller Yakisugi. Den japanske tradisjonen er inspirasjon for brentkledninga frå Rennebu Sag og Trekultur.

Fleire saker