Denne bilen har vore uheldig på glatt veg over Søvikåsen i dag. (Lesarbilde, tips@midtsiden.no)
Denne bilen har vore uheldig på glatt veg over Søvikåsen i dag. (Lesarbilde, tips@midtsiden.no)

To utforkøyringar fredag kveld

Ein bil ligg i grøfta i Søvikåsen.

Kjetil Vasby Bruarøy
20. november 2020 - 15:31

Etter at den første snøen for sesongen landa på vegane i Os torsdag ettermiddag, har det no vore minst tre trafikkuhell.

Torsdag kveld hamna ein bil på sida i Hegglandsdalsvegen, i morgontimane fredag var det frontkollisjon på Søvikvegen.

Ikkje så langt frå Søvikvegen, på Ole Bulls veg over Søvikåsen, ligg ein bil i grøfta.

– Det var ingen folk ved bilen, men det ser ut som om det har skjedd ganske nyleg, fortel tipsar.

Det var svært glatt over Søvikåsen fredag. (Lesarbilde, tips@midtsiden.no)
Det var svært glatt over Søvikåsen fredag. (Lesarbilde, tips@midtsiden.no)

Politiet hadde ikkje høyrd om uhellet då Midtsiden tok kontakt, så det er truleg ingen personskade.

OPPDATERT:

Politiet sendte ut ein patrulje. Då var bilførar på staden. Vedkomande forklarte at det var uvanleg glatt nær grøftekanten.

– Bilførar var edru og har sertifikat. Det blei ikkje oppretta sak.

Seinare fredag kveld hamna nok ein bil i grøfta i Søvikåsen. Også denne blei henta av bilbergar.

Nok ein bil måtte hentast opp av grøfta seinare på kvelden.
Nok ein bil måtte hentast opp av grøfta seinare på kvelden.

 

Les meir om

Lokal Politi