Nor og ne på 8 minutt

VIDEO: Gjekk du glipp av rekordrevyen på Nore Neset? Her er eit samandrag med høgdepunkt.

Kjetil Vasby Bruarøy
Kjetil Vasby Bruarøymandag 27. apr. 2015 16:29

Bildeserie:

Årets revy blei ein bestseljar med til saman nesten 900 i salen på 4 kveldar. (Foto: KVB)
Susan fekk Skype-anrop frå slekt i Skottland. (Foto: KVB)
Sjå kva som blei funne i Endelausemarka. (Foto: KVB)
Nykomar Pål Heimtoft kler å vera ordførar. (Foto: KVB)
Susan, Linda og Jan Helge har starta Marebakken Nedtur-klubb. (Foto: KVB)
Nei, dette er ikkje Kyrkjsæterøyra, det er Lønningdal. (Foto: KVB)
Livet og språkbruken på brannstasjonen blei nøye dokumentert. (Foto: KVB)
Stine og Irene i Nore Neset Nytt. (Foto: KVB)
Årets revy blei ein bestseljar med til saman nesten 900 i salen på 4 kveldar. (Foto: KVB)
Susan fekk Skype-anrop frå slekt i Skottland. (Foto: KVB)
1 av 8
Susan fekk Skype-anrop frå slekt i Skottland. (Foto: KVB)
Sjå kva som blei funne i Endelausemarka.  (Foto: KVB)
Nykomar Pål Heimtoft kler å vera ordførar.  (Foto: KVB)
Susan, Linda og Jan Helge har starta Marebakken Nedtur-klubb.  (Foto: KVB)
Nei, dette er ikkje Kyrkjsæterøyra, det er Lønningdal.  (Foto: KVB)
Livet og språkbruken på brannstasjonen blei nøye dokumentert.  (Foto: KVB)
Stine og Irene i Nore Neset Nytt.  (Foto: KVB)
Årets revy blei ein bestseljar med til saman nesten 900 i salen på 4 kveldar.  (Foto: KVB)

Har du trøbbel med å sjå videoen i vindauget over? Trykk på Vimeo-logoen og sjå den på vimeo.com.

(VIDEO: Sjå nokre av høgdepunkta i årets revy. Foto/klipp: Kjetil Vasby Bruarøy)

Dei to siste helgene har revygruppa Nor og ne kjørt fire framsyningar i Symrasalen, tre av dei for fullsett sal (230+).

– Dette er ny rekord. Som vanleg kom det litt færre på premieren, av ein eller annan grunn, men også denne førsteframsyninga var meir folksam enn i fjor, fortel Susan Askvik.

Ho fortel om litt lite øving, og ei noko ustødig gruppe skodespelarar som steppa opp på scenen første kveld.

– Likevel gjekk det veldig bra. Dei få plassane vi bomma litt på premieren trur eg vi klarte i kamuflera. Responsen og tilbakemeldingane har vore veldig hyggelege og bak scenen har vi allerie byrja å notera oss idear til neste års revy.

20 sketsjar på 150 minutt

Frå klokka 20 til 22.15, inkludert eit kvarter med pause, tok Nor og ne-gjengen publikum med gjennom 20 sketsjar. Showet fekk ein god start då skodespelar Susan skulle be gjestane skru av mobilen og sjølv fekk eit Skype-anrop frå slekt i Skottland. Kva mora sa var vanskeleg å forstå, men oppsynet av to mannlege slektningar med luft under kilten fekk salen til å gapskratta.

Så følgte ein av fleire songar utan latterkrampe som motiv, nykomarane Pål og Irene viste med si stemmepragt at dei er passande selskap med dei fem andre skodespelarane.

Funn av holebuarane Thomas og Jan Helge i Endelausemarka var utan dei store punchlinane, men kostyme, mimikk og holebuarspråket fekk salen til å le godt. Det same gjorde saka om kommunesamanslåing, der ein gråtkvalt Vindenes trygla Søviknes om samanslåing, det same gjorde ein flørtande, fiktiv Tysnes-ordførar.

Tittelen var «utan ein raud tråd», men litt raud tråd var det likevel. Det blei mykje snakk og song om trening, den av dei spreke som nok slo best an var Corneliussen opp Intervallaheiane.

– Dei var snille

Ein av dei lengste sketsjane var kanskje også den med flest poeng. Livet på brannstasjonen gav god respons.

– Eg synest dei var både snille og morosame, seier brannsjef Stein Gjøsund, som sjølv var i salen på siste framsyning laurdag kveld.

Sambygdingar er alltid godt materiale, som parodien på butikksjef Jahn Ingolf Lyssand på Meny, og den faste paroiden på keeperlegenda Brynjar Øvstedal, også han frå Nore Neset.

– Denne revyen er den beste eg har sett. At dei parodierer meg er heilt greit, sjølv om det blir litt mykje, seier Brynjar.

Blant bestseljarane etter pause var også songen om livet i Øyane og historia om han som blei sendt på hundeskule.

Kan det bli betre?

Publikum (og presse) er kanskje bortskjemt på Nore Neset. Men er det noko som dei kunne hatt meir av, eller mindre av?

Nokre av vitsane om ordføraren såg ut til å vekka meir grimasar enn latter, det blir nesten som Mette Marit-vitsane på tredje året. Her kan tekstforfattarane bli meir kresne.

Andre sketsjar har potensiale til å fyllast meir på. I Nore Neset Nytt står dei fritt, dei frie tøylane kan brukast til endå meir idéutveksling for vidare utsiling av dei beste poenga. NNN er kjøpt opp av Playboy-TV, med det aukar også nedslagsfeltet ...

Men samla sett er årets Nor og ne-revy eit imponerande stykke arbeid, der sju amatørar byr på eit fyldig og samtidig tight program, med gode kostymar og effektar og fengande melodiar som er godt framført.

Alt treng ikkje vera hysterisk morosamt på ein revy, men i Symrasalen er det svært tett mellom gullkorna.

Skodespelarar, tekst og regi: Thomas Helgesen, Jan Helge Corneliussen, Pål Heimtoft, Linda Nytræ, Irene Ullensvang, Susan Askvik og Stine Teigen.
Musikarar: Gunnar Melbø, Thomas Birkeland og Inge Johannes Bergheim.
Lyd: Jan Egil Vestbø.

Spennande? Vil du ha ukas høgdepunkt i innboksen?

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Sommartilbod frå 5 kr
Få sommartilbodet

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.