Sport | 16. mai 2016

Nore Neset vann på Stord

J16 til Nore Neset feide all motstand av banen og vann handballfestivalen på Stord.

Nore Neset vann på Stord
Nore Neset J16 jubla for sigeren i Handballfestivalen på Stord (privat foto)
Andris Hamremåndag 16. mai 2016 18:33

Både Nore Neset og Os har hatt fleire lag som har tatt ferja over til Stord i helga for å delta på den tradisjonsrike Handballfestivalen i Pinsen.

Skarpast gjorde J16-laget til Nore Neset som vann finalen mot Åkra måndag ettermiddag.

– Dette var siste kamp for Nore Neset J16, før laget går inn i samarbeid med Os, og trenerane hadde siste kamp med jentene, fortel Camilla Nesheim som saman med Tone Lyssand har følgd jentene gjennom ti år. For fire år sidan gjekk laget ut av finalen som sølvvinnarar.

Slo seriemeistaran

I finalen møtte Nore Neset Åkra frå Rogaland, som vann den lokale serien i vinter.

– I dag blei det gull. Vi vann 13-12 og keeper Anne Dorte Hausberg blei kåra til den beste spelaren på bana.

I finalen spelte Frida Lyssand, Thea Marie Skjerping, Nora Berge, Andrine Fløysand, Emma Lyssand, Christina Nesheim, Charlotte Pettersen og Anne Dorthe Hausberg. Alle utespelarane kom på skåringslista.

Vann b-finalen

Det var ikkje berre J16 laget til Nore Neset som gjorde det skarpt i turneringa. Også G12 laget gjekk heile vegen til finale.

I finalen møtte dei Askøy 1 og vann 3-2.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.