Norges Bank aukar styringsrenta
Norges Bank melder samstundes at renta mest sannsynleg vil auke meir i løpet av første kvartal i 2023.
Torsdag sette Norges Bank opp renta med 0,25 prosent. Dermed ligg styringsrenta no på 2,75 prosent.
– Komité for pengepolitikk og finansiell stabilitet har einstemmig vedtatt å heva styringsrenta. Renta vil mest sannsynleg auke endå meir i løpet av første kvartal i 2023, skriv Norges Bank i ein pressemelding.
Komiteens vurdering er at det framleis er behov for ein høgare rente for å dempe inflasjonen.
– Konsumprisane har stige raskt, og prisveksten er klart over målet. Det er framleis høg aktivitet i norsk økonomi, og arbeidsløysa har heldt seg svært låg. Samstundes ser vi no eit omslag i økonomien, og høgare prisvekst bidrar til svekt kjøpekraft for hushaldningane. Mindre press i økonomien vil etter kvart bidra til å dempa prisveksten.
Det vidare forløpet for renta vil avhenga av den økonomiske utviklinga.
– Prognosane for norsk økonomi er meir usikre enn normalt, men går det som vi no trur, vil styringsrenta liggja rundt 3 prosent neste år, seier sentralbanksjef Ida Wolden Bache.
– Dersom presset i økonomien held fram, og inflasjonen heldt seg høg lenger enn vi nå anslår, kan det bli behov for ein høgare rente enn det vi nå ser for oss.
