NRK På Moldegaard

Måndag var NRK på Moldegaard, på Norge Rundt klokka 19.40 i kveld kan du sjå sendinga.

Innslaget handlar om terapi-riding, som er eit av tilboda til rideskulearrangør Aktiv Hest AS.

– Vi har hatt dette tilbode i tre år no, og i periodar har det vore fullt på alle tre gruppene, seier rideskuleansvarleg Bergitte Paus Skrede hos Aktiv Hest.

Terapiridinga blir leia av fysioterapeut Nora Pettersen, og rettar seg mot folk i alle aldrar.

– Vi har like mange vaksne som ungar. Dei fleste har sjukdomar i ledd eller musklar, men terapiriding er også eit tilbod for blinde og for folk som er psykisk utviklingshemma, fortel Skrede.

– Vi er heldige som har godkjent terapeut med oss, det er få i Hordaland som driv med dette. Derfor har vi også kursdeltakarar som reiser eit stykke kvar veke for å vera med, blant anna frå Askøy.