Lokal | 04. nov. 2019

Ny gangbru på plass ved kloster-ruinane

Brua som blei tatt av flaum i september er erstatta med ein robust sak.

Ny gangbru er på plass frå ruinane til turstien retning Lyshorn. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 04. nov. 2019 12:31

Bildeserie:

Den nye er høgare og meir robust. (Foto: KVB)
Den førre brua blei tatt av bekken under ein flaum i september. (Privat foto)
Den nye er høgare og meir robust. (Foto: KVB)
Den førre brua blei tatt av bekken under ein flaum i september. (Privat foto)
1 av 2
Den førre brua blei tatt av bekken under ein flaum i september. (Privat foto)
Den nye er høgare og meir robust. (Foto: KVB)

Store nedbørsmengder sørgja i september for at gangbrua bak Lysekloster-ruinane blei løfta opp og vaska vekk.

– Eg veit ikkje kor gamal brua er, men rundt 40 år, kanskje. Den forsvann med bekken og segla forbi brua inn til garden, nesten ned til kapellet, fortel Georg von Erpecon.

Grunneigaren har hatt sidan hatt turfolk på omveg gjennom gardstunet, frå parkeringsplassen ved ruinane og vidare til Lyshorn.

Men no er ny bru på plass.

Høg og solid

Den førre brua var bygd på to liggande lyktestolpar, men var rusta opp på seinsommaren, blant anna med nytt rekkverk.

– Den gjorde nytten i fleire tiår, men den nye brua blir nok endå eldre. Her er det støypt nye fundament, og brua er ein god del høgare enn den førre.

Os kommune har tatt rekninga, og engasjerte Entrepenør Botnevik til å byggja fundamenta og grusa framfor brua. Vidare er sjølve brua prosjektert, teikna og bygd av Byggmesterfirma Dørmænen & Eide AS.

– Vi har ikkje bruk for brua til gardsdrifta, men gler oss over både velvilje og effektivitet av kommunen, seier von Erpecon.

Spennande? Vil du ha ukas høgdepunkt i innboksen?

Les meir om

Tilgang til alt innhald for berre 145 kr i månaden

Di støtte gir liv til lokalavisa vår. Vi set stor pris på om du hjelper oss å spreia nyheitene!

  • Tilgang til alt innhald
  • Under 37 kr/veka
  • Utan bindingstid
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.