Ny leiar i Bjørnafjorden KrF

Bjørnafjorden KrF var samla til årsmøte onsdag 12. februar i Bjørnafjorden hovudbibliotek i Os.

– Det var eit kjekt og inspirerande møte, seier Jakob Enerhaug i ei pressemelding i dag.

– Vi hadde besøk av fylkesleiar i Vestland KrF, Morten Helland. Han kjem frå Bømlo og er lokalpolitikar der. Morten Helland heldt ei inspirerande tale der han både inspirerte oss og kom med tankar og synspunkt på aktuell politikk.

Helland lanserte slagordet «KrF heiar på folk».

– Dette seier noko om at vi i KrF skal være eit folkeparti som er oppteken av kvardagen til folk flest, og som skal heie på og oppmuntre den einskilde og, ikkje minst, familiane.

– Vår gruppeleiar Bjarte Samnøy fortalde årsmøte om arbeidet så langt i den nye kommunestyret og korleis det er å være ein del av posisjonen kommunestyret, om gjennomslaga KrF har fått og erfaringane med samarbeidet så langt. Alt i alt er Samnøy godt nøgd på vegne av KrF.

Årsmøtet valde Jakob Enerhaug til ny lokallagsleiar, etter Ingvild Hallesby Evjedal, som sa nei til gjenval.

Ingvild held fram som styremedlem.

Styret består no av: Jakob Enerhaug (leiar), Ingvild Hallesby Evjedal, Oddvar Rotvik, Ernst Ove Indrebø, Tryggve Lillestøl, Bjarte Samnøy og Alida Nesheim (KrFU).

Til slutt vedtok eit samla årsmøte ein uttale om utsendinga av vår sambygding Dur Ali Sherzad (72). Årsmøte gav tydeleg beskjed til KrF sine sentrale politikarar: I denne saka kan me ikkje sitja stille og teia!