Nore Neset HSM 2019

Ny musikal-suksess på Nore Neset

High School Musical: Rundt tusen unge og vaksne har sett elevproduksjonen i løpet av veka.

Av: Kjetil Vasby Bruarøy

Kvart år etter opninga av ny ungdomsskule på Nore Neset har skulen sett opp show med elevar frå valfaga «sal og scene» og «design og redesign».

– Entuasimen er stor både blant tilsette og elevar. Elevane deltar i alle ledd i produksjon og gjennomføring, frå kostyme og kulissar til lyd og lys, fortel inspektør Hilde Drange Veglo.

Naturlegvis er dei òg i alle rollene på scenen, leia og akkompagnert av musikklærarekteparet Anne Leni Sæbø Søfteland og Terje Neset.

I år var det High School Musical som sto på plakaten.

120 elevar har deltatt.

– Vi har dessverre ikkje hatt plass til alle som har ønskt seg til valfaget sal og scene.

Tre jenter (Isabell Renee Aase, Kine Ullensvang og Johanne Løvaas) og to gutar (Marcus Crossley-Nilsen og Marius Lund Halland) har bytt på hovudrollene i musikalen.

• Sjå bildeserie og video frå «Fame» i 2016, «Hairspray» i 2017 og «School of Rock» i 2018.

– Vi har hatt full sal på fire show på kveldstid måndag til torsdag. I dag var det konsert for eigne elevar og tilreisande frå 7. trinn ved alle dei fem skulane vi får elevar frå til hausten. Det var veldig kjekt å få visa dei komande elevane litt av det vi held på med på Nore Neset, seier Veglo.

Fleire saker