midtsiden

Ny noregspremiere

Fredag er det duka for ny noregspremiere i Fjellheim. Då kjem Elias og jakten på havets gull etterfølgt av Trolljegaren av osingen André Øvredal.

Av: Andris Hamre

For ein liten månad sidan hadde "Harry Potter og Dødstalismanane del 1" Noregspremiere i Fjellheim. Fredag kl 18.00 er det klart for ei ny premiere. Denne gongen for dei litt yngre.

"Elisas og jakten på havets gull" er ein norsk animasjonsfilm med dei kjente figurane Elias, Sjarke og dei andre venane i Lunvik.

I den nye kinofilmen om vår kjente og kjære redningsskøyte Elias, har både han og fiskebåtane i heile Lunvik lenge gleda seg til det årlege vinterfisket. Men eit nytt, moderne fiskevær med store trålare tar fisken frå dei og truar Lunvik med nedlegging.

Men Elias får høre om ein sagnomsust skatt som kan redde heile Lunvik. Han kastar seg ut på skattejakt, men møtar motstand i nær kvar ei bølge. Finn han skatten? Eller vil Lunvik ende som ei spøkelseshamn?

Filmen byrjar kl 18:00. Billettar får du på kommunetorget og i døra.

Trolljegeren
Kl 20:00 er det klart for ein "lokal" film i osingen André Øvredal sin "Trolljegaren. Filmen har fått ein fantastisk mottaking og Øvredal er spådd ei lysande framtid som regisssør.

Filmen handlar om dei tre DH-studentane Thomas Schøien, Johanna Pedersen og Kalle Stensvik som går på medialinja i Volda og som får som skuleoppgåve å laga dokumentarfilm om ein lokal personligheit. Dei vel å fokusera på ein folkesky mann som kjem til bygda med jamne mellomrom.

Hovudrolla blir spelt av Otto Jespersen.

 

Fleire saker