Kultur | 17. okt. 2019

Ny og større peparkakebygd i Os sentrum

I år får publikum koma inn: Arrangørane har fått låna lokalet Apotek 1 i fjor flytta ut av.

Ny og større peparkakebygd i Os sentrum
Årets peparkakebygd i Os sentrum kjem i det tidlegare apoteklokalet i Brugata. (Foto: Kjetil Osablod Grønvigh)
Kjetil Vasby Bruarøy
Kjetil Vasby Bruarøytorsdag 17. okt. 2019 07:53

Bildeserie:

Søviknes leverte Oseana til den første peparkakebygda, i Vindu mot Fjorden i 2008. (Foto: KVB)
Søviknes leverte Oseana til den første peparkakebygda, i Vindu mot Fjorden i 2008. (Foto: KVB)
Hanne's Konditori bakte Os kyrkje i fjor. (Foto: KVB)
Hanne's Konditori bakte Os kyrkje i fjor. (Foto: KVB)
2018-utstilinga blei fin, men i år kan du òg få koma inn. (Foto: KVB)
2018-utstilinga blei fin, men i år kan du òg få koma inn. (Foto: KVB)
1 av 3
Søviknes leverte Oseana til den første peparkakebygda, i Vindu mot Fjorden i 2008. (Foto: KVB)
Hanne's Konditori bakte Os kyrkje i fjor. (Foto: KVB)
2018-utstilinga blei fin, men i år kan du òg få koma inn. (Foto: KVB)

Tradisjonen med peparkakebygd i Os sentrum held fram. Den vesle peparkakebyen var utstilt første gong i Vindu mot Fjorden i 2008, i rålokalet som ABO i dag har kontor.

Seinare har det blitt invitert til å levera bakte hus blant anna til utstilling i S. Tvedt sitt lokale og, i fjor, der Os Blomsterservice heldt til på Torget.

– Vi fekk jo veldig mange fine og koselege peparkakehus til førre utstilling, og den var fin å sjå på gjennom vindauget, men vi er veldig glade for at vi i år har fått eit lokale som er så stort at folk igjen kan få koma inn og sjå, seier Stine Kobbeltvedt frå kultureininga i Os kommune.

Sjå peparkakebygda i 2018

Peparkakebygda er eit samarbeid mellom Os kommune og Os Sentrumsforening. Dei takkar Askvik-brørne for velvilje og lån av det rundt 300 kvadratmeter store lokalet i Brugata, der Apoteket heldt til i 39 år.

Håper «alle» vil baka og bygga

I fjor kom det flotte hus frå både proff og amatør, barnehagar, skular, privatpersonar og bedrifter.

– Vi håper det blir sånn i år òg. Vi sender invitasjon til barnehagar og skular, men alle er velkomne å bidra. No når det er mogleg å koma inn og sjå, er det kanskje endå meir stas å levera peparkakehus - å vera med å bygga ei stor og flott peparkakebygd.

Utstillinga skal opna under fakkelfredagen 29. november. For å ha tid til å bygga utstilling, vil Os kommune og Os Sentrumsforening ha husa i hus innan måndag 25. november.

– Opningstider utover i desember kjem vi tilbake til. Vi er i dialog med nokre lag og organisasjonar som kanskje vil hjelpa oss å ha utstillinga open så mykje som mogleg ettermiddag og helg fram til jul, seier Stine.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.