Bildeserie:
I helga blei årets fotballcup i Lysefjorden arrangert, også i år med deltakarrekord.
– Det var tettpakka program då vi auka frå 85 til 105 lag i fjor. I år hadde vi 115 lag med spelarar frå 1. til 7. klasse, fortel turneringsansvarlig Tomas Fiksdal frå Lysekloster idrettslag.
– Vi måtte stoppa påmeldinga. Om vi klarar endå fleire neste år er for tidleg å seia, det blir bestemt av kor langt ut over kveld og ettermiddag vi vil halda på.
Alle kampane same dag
Dei eldste spelte fredagkvelden, dei midt på treet laurdag og dei yngste, som fekk finast vêr, søndag.
– Vi har lagt det opp sånn at kvart lag speler ferdig sine kampar same dag. Det har vi fått fine tilbakemeldingar på frå foreldra.
Mange lokale lag
Laga kjem frå både Austevoll, Osterøy og Bergen, men også mange frå Osbygda.
– Dei fleste klubbane i Os er representert, ikkje minst Os Turn, som kjem med veldig mange lag. Det synes vi er kjekt, seier Fiksdal.
Sprettent besøk
Lysekloster idrettlag hadde som vanleg ein stor, oppblåsbar rutsjebane på plass under turneringa.
– Den er gratis for spelarar og søsken. Heldigvis blei det nokopphaldsvêr til at vi kunne bruka den i periodar.
Også Aktiv Fritid var med som utstillar. Dei hadde med seg re-boundere, nett som kan brukast til teknikk-trening av fotballspelarar.
– Og så er vi glade for at vi hadde Os Røde Kors med oss heile helga. Dei fekk heldigvis ikkje så mykje å gjera på, men det er godt å ha dei der, seier Tomas Fiksdal.
Les òg: Klinka til! (med bildeserie frå 2011)